គួរឱ្យសរសើរទឹកចិត្ត ឌួង ហ្សូរីដា ឧបត្ថម្ភទឹកប្រាក់ ២០០០ ដុល្លារដល់កាកបាទក្រហម

សម្រាប់ទិវាកាកបាទក្រហមថ្ងៃទី ០៨ ឧសភាខាងមុខនេះ ពិធីការិនី ឌួង ហ្សូវីដា ក៏បានចូលរួមឧបត្ថម្ភជាទឹកប្រាក់ដល់ទៅ ២០០០ ដុល្លារផងដែរ ។

ដោយសារមមាញឹកនៅក្នុងអាជីពជំនួញ ឌួង ហ្សូរីដា ស្ទើរតែគ្មានពេលវេលាសម្រាប់ការងារសិល្បៈ ។ នាងធ្លាប់អះអាងថាការងាររកស៊ីអាចរកប្រាក់ចំណូលបានច្រើនជាងអាជីពសិល្បៈឆ្ងាយណាស់ ហើយពេលនេះដែរ ឌួង​ ហ្សូរីដា កាន់តែបង្កើនការងាររកស៊ីកាន់តែធំ ។

បើតាមបំណងនាងគ្រោងនឹងបើកលក់ពេជ្រ​បន្ថែមទៀតក្រោយស្ងាត់វីរុសកូវីដ ១៩ ។ ថ្វីដ្បិតមិនសូវខ្វាយខ្វល់និងការងារសិល្បៈតែ ឌួង ហ្សូរីដា ហាក់លេចមុខលេចមាត់នៅក្នុងការងារមនុស្សធម៌ ។

យ៉ាងណាមិញថ្មីៗនេះពិធីការិនីរូបនេះបានបរិច្ចាគធនធានផ្ទាល់ខ្លួនចំនួន ២០០០ ដុល្លារដល់កាកបាទក្រហមផងដែរ ។ ទឹកចិត្តដ៏ល្អរបស់ ឌួង ហ្សូរីដា ក៏ទទួលបានការកោតសរសើរពីសំណាក់អ្នកគាំទ្រជាច្រើន ដោយខ្លះសរសើរថាស្អាតហើយចិត្តល្អទៀត ។ មិនមែនជាលើកដំបូងទេកន្លងមកគេតែងឃើញនាងចូលរួមនៅក្នុងសកម្មភាពមនុស្សធម៌ជាច្រើនផងដែរ ៕

ប្រភព៖ ប្រជាប្រិយ

អត្ថបទដោយ​៖ ចេនី

Show Buttons
Hide Buttons